Californiami orpippassuarni suli ikuallarujussuartoqartoq
Californiami orpippassuarni ikuallarujussuarneq angerlarsimaffinnut tusindilikkaanut suli eqqueriaannaavoq
Inuppassuit angerlarsimaffimminit qimaallutik qimagussorneqarput 2 milliuunillu sinnerlugit innaallagiaqaratik, amerlaqisullu innaallagiaqanngittariaqarlutik.
Naalagaaffinni naalaffeqatigiinnut ilaasumi 2,3 milliuuninik inuttaqqartumi sapaatit akunnerata siuliata naanerani innaallagiaqarsimanngillat, naalagaffiullu oqaluttuarisaanerani aatsaat taama annerutigisumik innaalagiaaruttoqarpoq.
AAMMA ATUARUK Californiami orpippassuarni ikuallattoqartuarsinnartoq
Innaallagissalerisut innaallagissap aqqutai qamippaat kabilit innaallagissamik pilersuisut ikuallannermik aallartitsinnginniassammata.
BBC taama allaaserisaqarpoq.
Ikuallaffiusuni suli qamisaasoqartuassaaq - ikuallaffiusummi 5 procetiata missaa kisimi nakkutigineqarsinnaasutut nalilerneqarpoq.
Sonomami politiit ilisimatitsissutigaat, inuit 200.000-it missaat qimagussorneqarnissaat pillugu ilisimatinneqarsimasut.
AAMMA ATUARUK Orpippassuarni ikuallattoqarnerani inuppassuit qimagussorneqartut
San Franciscop avannaani pingasunngormalli ikuallattoqalerpoq, piffissallu nalaani anorlersimaqaaq.
Sukannersumik aqutsisoqalerlunilu innuttaasut isumannaatsumik inissinnissaat pisariaqarpoq, Californiap guvernøria, Gavin Newsom taama nalunaaruteqarpoq.
Los Angelesip kujataani aamma sillimartaartoqalereerpoq.
- Immikkut ilisimasalllit nassuiaataat innuttaasut pimoorullugit tusaassariaqarpaat, oqarutta innuttaasut qimagussorneqassasut taava innuttaasut tamanna malittariaqassaavaat, guvernøri KGO-mut oqarpoq.