Tusass: Ittoqqortoormiit internetsimik killeqanngitsumik atuisinnaanngortoq
Ittoqqortoormiini nunami stationeqarfiup sananeqarnera Tusassip maanna naammassivaa.
Tusassi naapertorlugu, Ittoqqortoormiini nunami stationeqarfiup sananeqarnera qaammataasamut illoqarfimmi attaviit nutaat qulakkeerpai.
Ittoqqortoormiini innuttaasut internetimik killeqanngitsumik atuisinnaasut, saniatigullu akileeqqittoqartariaqarani, Tusassimi pisortaaneq Kristian Reinert Davidsen tusagassiuutinut nalunaarummi ilaatigut allappoq.
AAMMA ATUARUK Tele Greenlandip Tunumi internetsip sukkatsinnissaa neriorsuutigigaa
Tamanna isumaqarpoq Ittoqqortoormiut internetimik atuisinnaalissasut akiligassarujussuarmik tupaallatsinneqarnissaq eqqarsaatiginagu. Datamik qanorluunniit annertutigisumik atuinertik apeqqutaatinnagu qaammatit tamaasa aalajangersimasumik akiliuteqartalertussanngorput.
- Siorna nunami stationeqarfiliortoqarpoq Tasiilami, tamatuma Tusassip Tasiilami nunaqarfinnilu eqqaaniittuni sullitani periarfissippai flatrate interneteqalernissaannik. Ukioq manna Ittoqqortoormiit tullinnguupput.
- Ittoqqortoormiini nunami stationeqarfiup Tasiilami nunaqarfiinilu sullitatta nioqqutit pissarsiarisinnaasaasa assingi aamma pissarsiarisinnaanngortippai. Tamanna isumaqarpoq nunami stationeqarfiup qaammataasami piginnaasaq pitsaanerulersikkaa, Ittoqqortoormiinilu Tusassip sullitani periarfissaqalersikkai flatrate internetitaarsinnaanerannik.
