Tusass: Ima 5G-taassaatit

Sisimiuni, Maniitsumi Narsamilu najugallit novembarip aallaqqaataaniit sukkanerusumik internettersinnaalissapput.

Tusassimmi attaveqaat 5G illoqarfinni pingasuni misiligaleruttorpaa.

Illoqarfinni taakkunani najugaqaruit sikkanerusumillu internetteqalerusullutit, taava Tusassimut attaveqaatissannik modemimik aallersinnaasutit, Tusassip pisortaanera, Kristian Reinert Davidsen oqarpoq.

- Atortorissaarutit modemit nutaat nittartakkatsinni ussassaarutigissavagut,Tusass.gl-imut iserlutit inniminniisinnaavutit pisiniarfitsinnullu aallugu. Angerlarsimaffinni ikkussuukkukku atorsinnaalissavat, taanna oqarpoq.

5G-mut attaveqaat illoqarfiup avataani atorsinnaassanngitsoq, Tusass ilanngullugu ilisimatitsivoq.

AAMMA ATUARUK Nunatsinni internetti sukkanerulingajalersoq

Ilulissani, Nanortalimmi, Nuummi, Paamiuni, Qaqortumi, Qeqertarsuarmi, Uummannami, Aasianni Qasigiannguanilu aappaagu 5G-mut aamma attaveqaasersuisoqassaaq.

- 5G-p attaveqaatini maanna atorneqartumit 4G-mit pitsaaneruvoq. 5G 4G-miit sukkanerungaatsiarpoq. Pitsaassuseq aamma ajunnginnerulissaaq, Kristian Reinert Davidsen oqarpoq.

5G qanoq akeqassanersoq Tusassimit akineqanngilaq.

- Nioqqutissaatitsinnilu akisunerpaanit akisunerussalluni, pisortaq oqarpoq.

Tusassip oqarnera naapertorlugu 4G-mit 5G-mut nuunnissaq pisariaqarpoq. Nunatsinnimi internettimik atuisartut amerliartuinnavimmata, taakkulu tamarmik ADSL-imik attavinni pioreersuni inissaqaratik.

Napparutit mobilikkut attaveqaataasut aqqutigalugit internetti 5G nutaajunarpaavoq. 

Maanna atorneqartumit 4G-mit sukkanerungaatsiarluni. Sekundialuit ingerlanerini filmi HD-iusoq aaneqarsinnaalluni. 

4G-millu atuisunit amerlanerusunik ataatsikkut atorneqarsinnaalluni.