Tusarnaartartut inuusuttuunerusut KNR-ip sullinniarpai
KNR inuusuttut tusarnaartartut amerlanerulernissaat siunertaralugu radiukkut kanalimik nutaamik pisivoq. Pisiarineqartoq tassaavoq Voice of Greenland, Claus Nissenimit pigineqartoq, taanna KNR-imut maanna attuumassuteqarerpoq.
Allattoq Jonas Løvschall-Wedel
januaarip 20-at 2015 16:07
Nutserisoq Elisa Isaksen
Kanali inuusuttunut saaffiginnittuussasoq, KNR-ip pisortaata Søren Lennert Mortensenip oqaatigaa.
- Tusagassiortunit aallakaatitassianik inuusuttunuunerusoq saaffiginnittunik aallakaatitsisoqartassaaq. Nalunaaquttap akunnikkaartumik nutaarsiassat inuusuttunut neqeroorutigineqartassapput. Taakku KNR-radio peqatigalugu, kanalikkut nutaakkut aallakaatinneqartassapput. Taamaalilluni aallaqqaammut inuusuttunut sammitinneqartumik nipilersukkanik nutaarsiassanillu nalunaaquttap akunnikkaartunik aallakaatitsisoqartassaaq.
KNR-ip pisortaa Søren Lennert Mortensen oqarpoq.
Radiukkut kanalip Voice of Greenlandip qanoq akilerlugu pisiarineqarnera ilisimatitsissutigineqanngilaq.
