Tusagassiortunik ataasinngornermi qulinut katersortitsisoqassaaq

Naalakkersuisut covid-19 pillugu aqagu ataasinngornermi nalunaaqutaq qulinut tusagassiortunik katersortitsissaaq.

Naalakkersuisuit nittartagaanni nun.gl-imi nalunaarsorneqarsimasut naapertorlugit coronavirusimik tunillatsissimasut katillugit 26-iupput.

Sumerpiaq qanorlu tunillatsissimanersut naalakkersuisut nalunaaruteqanngillat.

Tuniluunnerup siaruaannera pillugu KNR-imiit arfininngormalli oqaaseqartitsiniaraluarpugut. Oqaaseqarusunngikkallarpulli, naalakkersuisulli tusagassiortunik katersortitsinissaa innersuussutigineqarpoq.

AAMMA ATUARUK Nuummi, Atammimmi Kangaamiunilu covid-19 tuniluuteratarsinnaasoq

Naalakkersuisut siuliittaasuat Muté B. Egede sapaammi tusagassiuutinut ima nalunaarpoq:

- Covid-19-imut killiffik pillugu Naalakkersuisut aqagu juulip ulluisa 19-ianni, nalunaaqutaq qulinut tusagassiortunik katersortitsissapput.