Saudi-Arabiami: Tusagassiortoq sinniisoqarfimmi toqusimasoq
Tusagassiortoq, tammaaneqartoq, Jamal Khashoggi Istanbulimi sinniisoqarfimmi toqusimasoq, Saudi-Arabiami pisortat nalunaarutigaat.
Allattoq Ritzau
oktobarip 20-at 2018 12:04
Tamannalu Saudi-Arabiamit uppernarsarneqarpoq.
Saudi-Arabiami unnerluussisup naalagaaffiup tv-eqarfianut Ekhbariamut uppernarsaraa, CNN allaaserisaqarpoq.
Unnerluussisoq naapertorlugu Khashogg aamma sinniisoqarfimmeersut kamaassimapput, tamatumalu kingunerisaanik tusagassiortoq toqusimasoq.
Saudiarabiamiusut innuttaassusillit 18-it maannamut tigusarineqarput. Suliarlu pillugu paasiniaasartut pisortaata tullia soraarsinneqarsimavoq.
Tusagassiortoq, Jamal Khashoggi, Saudi-Arabiami naalakkersuinikkut pissutsinik isornartorsiuisutut ilisimaneqarpoq.
Tusagassiortoq, 60-inik ukilulik oktobarip ulluisa aappaanni sinniisoqarfimmut iserpoq, kingornalu ujaarineqalerluni.
/ritzau/
