Tusaamasat ukiaanerani festivalertoqarnerani tusarnaartitsilersut
Tallimanngornermi oktobarip pingajuanni Nuummi nipilersortussat tassaapput Zikaza, Asuki, rappertartoq Maasi Pedersen aamma Sussat. Unnuk taanna Qaqortumi nuuteeqqamik saqqummersitsilersoq Rikka appissaaq soorlu aamma nipilersortartutoqaq Ole Kristiansen appisimaartussaasoq.
Aqaguani Nuummi Qarsoq aamma Naneruaq appisimaassapput. Unnuk taanna aamma appissallutik Ulf Fleischer & Paarisa Band aamma Ole Kristiansen.
Hinnarik Nuummi meeqqanut tusarnaartitsissaaq
Nuummi sapaammi Hinnarik aamma Frederik Elsner akeqanngitsumik ilaqutariinnut tusarnaartitsissapput.
Akisuanerit festivali ukiut arfineq aappassaannik ingerlanneqassaaq, ukiormannalu Nuummi kulturikkut illorsuarmi Katuami aamma Qaqortumi timersortarfissuarmi pissalltuik. Nipilersornernut aaqqissuisuupput Atlantic Music aamma Qaqortumi peqatigiiffik ivigaaraasanik arsaattarfimmik ingerlatsisoq.
