Tunup avataani ikiuisoqarneranut akissarsiaqartitsisoqassanngilaq
Eqqartuussiviilli qullersaanni ippassaq aalajangernerup akissarsiassatut naatsorsuutigisatik pissarsiarinngitsuussavaat.
Ocean Tiger 2007-imi tunup sineriaaniit 200 sømilingajattut avasitsigisumiilluni ajornartorsiulerpoq, imaani sikoqaqisumi putusimagami.
Kilisaatip inuttaasa namminneq ajutoorneq ingalassimatinniarsaraat ikiortissarsiorlutillu. Norgimiut kilisaataat Remøy Viking ikiuiartuivoq, imaarsaatinillu ikiorseereerami sikulimmiit anillanniarnermi aqqutissiuilluni.
Taamaaliornerup kingorna norgimiut oqarput Ocean Tiger navianartorsiorsimasoq, annaassiniarnerlu imarsiornermi inatsit naapertorlugu annaassiniarnertut taasariaqartoq. Bornholmimiut kilisaataataata 100 millioner koruuninik nalillip 3,5 procentia annaassiniarsimasutut norgimiut piumasaraat, tassa 3,5 millioner koruunit.
Bornholmimiut kilisaataataannik piginnittut sukkulluunniit ulorianartorsiorsimaneranngillat, kilisaatillu ikioqatigiittarnerat naliginnaanerarlugu.
Eqqartuussiviit qullersaata ippassaq aalajangerpaa Ocean Tiger nammineq naammattunik piginnaasalinnik imaarsaateqarsimasoq, inuttaasalu pisoq aqussinnaasimangaat.
-Putunera umiarsuup sukkassusaanut akornutaasimanngilaq, immanneratalu umiarsuaq orfaatissimanngilaa aqunniarneraluunniit ajornarsitinnagu, eqqartoorsiviit qullersaat nalunaarpoq.
