ASSIT Tunup avannaarsua inuilaarsuaq alianaatsoq

Sakkutuut timmisartuata Challengerip sermersuaq itivillugu iluarumik angallassimavaatigut. Nunap isikkua aallanngoraleriasaarpoq. Sermimiit qaqqat nuiorarlutik aallartipput, sivitsunngitsorli isikkivipput nunaannapaajaalerpoq. Nunap allanngutsaaliukkap kujasissuani Mestersvig Illoqqortoormiut avannaaniittoq qanilliartorparput.

Nunarsuarmi sumiiffik kusanarnerpaaq?

Mestersvigimit avannamut angalanerput timmisartumi mikinermi Twin Otterimik ingerlavoq. Iluarusunnannginnerulaarpoq qiianarnerullunilu. Timmisartup appasinnerusumik timminerata nuna qaninnerulersutut ilisippaa. Nannut tumaanik marsernarsivoq. Imaassinnaavoq nunarsuarmi kusanarneqartoq; nalunngisannili una kusanarnersaavoq. Mannami kusanangaarmat qullilinangajappoq.

Asi tujorminarsivoq

Daneborgimut aqqutaata affaani pakatsineq takkuppoq. Nuissat pukkitsut timmisartuaqqap nunallu kusanaqisup akornaniilerpoq. Angalanitta sinnerani nunap qanoq kusanartiginera takorluuginnartariaqarpara.

Daneborgimut milernitsinni timmisartup aalanera silap ajorneranik aarlerisaarivoq. Taamaapporlu, iluamilluunniit milluanngitsugut anorlilerpoq. Timmisartortartup Islandimiup misilittagartuup oqaluttuuppaatigut minutsialunnguit kingusinnerusukkut minniarsimasuugutta missinnaasimassanngikkaluartugut.

Nuna kusanartorsuaq tujorminarsivoq!