Tunumiut kulturiat Sermersuumi malunnartinniarneqartoq
Tunumiusut kalaallisuut immikkuullarissut pillugit Nuummi tusarnaariartoqarsinnaavoq, soorlu aamma oqaluttuatoqqat, oqaluttuaatit qilaatersornerit allarpassuillu aamma tusarnaarneqarsinnaasut.
Paamiuni Aviaaja Larsen qilaatersornermik ilinniartitsissaaq, soorlu aamma filminik tunumeersunik sapaatip akunnerata ingerlanerani takutitsisoqartarumaartoq.
Tasiilami erinarsoqatigiit tusarnaartitsisassapput, filmertitsisoqartassaaq umiamillu amernermik ilinniartitsisoqassalluni.
Tunumiut kulturiat pillugu siullermik 2011-mi Nuummi sapaatip akunneqartitsisoqarpoq, aalajangiisoqarporlu upernaakkut 2015-imi suliniut ingerlateqqinniarlugu, kommunimilu illoqarfinnut allanut siaruarlugu.
Tunumiut kulturiat pisuujoqisoq soqutigineqarnerulertinniarlugu Kulturikkut sapaatip akunneqartitsisarneq ukiut tamaasa pisartussanngortoq, kommuneqarfik Sermersooq tusagassiuutinut nalunaarummi allappoq.
Kulturikkut sapaatip akunneqartitsineq piviusunngortinneqarsimavoq Nunatta Katersugaasivia Allagaateqarfialu aammalu Nunatta Atuagaateqarfia suleqatigalugit piviusunngortinneqarsimavoq.
