Tunumiusut oqaatsit tammarnissaat ernummataasoq
Paasissutissiinermi tasiilami innuttaasut 40-t 50-illu akornanniittut isummatik saqqummiunniarlugit peqataapput. Tunumiullu nalunaarutaat ersarippoq: nunatta kitaanniit nammineersinnaasusiiagaasutut naligiginngisatullu misigipput, ingammik oqaatsitik pineqartillugit.
- Tunumiut oqaasii ilaatigut tunumiut inuusuttortaasa tunumiut oqaasii ulluinnarsiutaanngitsut paatsoortalersimagaaq ilaannilu paasineq ajorsimavaat. Aamma eqqaaneqarpoq, atuarfiniippata naalagiartoqarneraniippat atuakkanilluunniit atuarnermi kitaamiut oqaasii annertummata ilaasa ernummatigaat tunumiut oqasii nungukkiartuaalissasoralugit, saammasseqatigiinnermik isumalioqatigiissitamiit suliami aqutsisoq Ida Mathiassen taama KNR-mut oqarpoq.
Aamma atuaruk Tunumiut kitaamiullu saammaasseqatigiittariaqarsorigaat
Tasiilamilu innuttaasut Kommuneqarfik Sermersuumiit amigartumik sullinneqartarnertik isornartorsiorpaat:
- Ikiorneqarneqarnissamik noqqaasaraluarluni tusaaneqanngitsoortarneq, kommunerujussuanngornerata kingorna taanna ajornartorsiut annertusisimanera aamma eqqaaneqarpoq, Ida Mathiassen oqarpoq.
Innuttaasut misilittagaat tunngavigalugit saammaasseqatigiinnermik isumalioqatigiissitaq Tasiilami suliniummik aallartitsipput.
Aamma atuaruk Isumalioqatigiissitap innuttaasut peqatiginiarpai
- Qanoq isilluta pitsaanerpaamik iliuuseqarsinnaanerput misissorlugit aallaartippavut, saammaasseqatigiinnermik isumalioqatigiissitami suliami aqutsisoq Ida Mathiassen taama oqarpoq.
Saammaasseqatigiinnermik isumalioqatigiissitaq nuummi ukiup tulliani januaarimi naapeqatigeeqqissapput.
Tassanilu siunnersuutissanik katersissapput, ukioq 2017 naanerata tungaanut ingerlatassaminnik.