Politiit ullormut nalunaarutaat: Tunumi SAR-imik annaassiniarneq
Inuit sisamat Tasiilap Tiniteqilaallu akornanni ataasinngormat umiatsiarlutik, umiatsiap motooriiarnerata kingorna ulorianartorsiorput.
Politiit inunnut sisamanut taakkununnga annaassiniarsimanerat pigaartut pisortaata paasissutissiissutigaa.
- Tamarmik ajoratik angerlaanneqareerput umiatsiarlu politiit umiatsiaannit kalinneqarluni angerlaanneqarpoq pigaartut pisortaat Thomas Jeppesen oqarpoq.
Aasianni aserorterisoqartoq
Aasianni innuttaasup angerlarsimaffimmini igalaaq aserorneqartoq nal. 23:36 nalunaarutigaa.
- Aserorterisoq ilisimaneqanngitsoq ujaqqamik igalaamut miloriussivoq inualu itertillugu.
Aserorterisoq ilisimaneqanngikkaluartoq politiit pasitsaassaqarnerat pigaartut pisortaata oqaatigaa.
Nuummi aallarussisoqartoq
Illoqarfiit pingaarnersaanni biilit aallarunneqartut pigaartut pisortaata kingulliullugu eqqaavaa.
Inuup ataatsip navianartumik biilertoq takuaa politiinullu nalunaarutigalugu. Biili aallarunneqarsimasoq paasineqarpoq, aallarussisorlu tigusarineqarluni.
Nuummiit Aasianniillu pisut politiinit misissorneqaleruttorput.
