Tunumi raajarniarneq EU-mut tunngatillugu pingaaruteqarpoq

Politikeri Siumukkormiu Anders Olsen aalisarnermut naalakkersuisumut Nunatsinni raajarniarneq pillugu § 37 naapertorlugu apeqquteqaateqarpoq. Lyberthip akissuteqaataani atuarneqarsinnaavoq raajartassiissutit 17,%-ii taamaallaat aalisarneqartartut. Taamaakkaluartoq Lyberth isumaqarpoq tunumi raajarniarneq pingaaruteqartoq.
Allattoq Peter Troelsen, Simon Uldum
juulip 03-at 2013 07:26

Minnerunngitsumik EU-mut tunngatillugu, aalisarneq pillugu Kalaallit Nunaata EU-llu akornanni suleqatigiinnissamik isumaqatigiissummut atatillugu ukiut tamaasa pisassiissutit ilarujussuanik pisisarmat. Pisassiissutinit 12.400 tonsiusunit katillugit 8.000 tonsit EU-mit pisiarineqartarput. Pisassiissutit taakku ilaat EU-p Norgemut ingerlateqqittarpai, Norgellu pisassiissutinit 2.900 tonsinit siorna taamaallaat 2.000 tonisit aalisarpai.

Tunumi raajartassiissutit atorluarneqarnerunissaannik Naalakkersuisut maannakkorpiaq sulissuteqarnianngikkallarput. Taaneqareersutummi sikoqassusaa silallu qanoq innera atorluaanissamik killiliisuupput. Naalakkersuisulli Tunumi raajartassiissutit atorluarneqarnerunissaat aalisarnermik inuussutissarsiuteqartunut kaammatuutigiinnarusuppaat.

Karl Lyberthip Anders Olsenimut akissuteqarnerminut atatillugu erseqqissarpaa, pisassiissutit biologit siunnersuinerannut tamakkiisumik naapertuuttoq. Taamaaliornikkut pisassiissutit tamakkununnga tunngatillugu annertussusilerneqartarnissaat aamman qulakkeerneqartarmat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq