Tunumi qinigassanngortittut qinigaalluarput
Kommunimut qineqqusaarnermi tunumi illoqarfiit nunaqarfiillu immikkut kommuniliuunneqarnissaat oqallisigineqarsimavoq. Politikerit tunumeersut Kommuneqarfik Sermersuumi tusaarneqartannginnertik tunngavilersuutigigaat. Ippassarli qinersinerup kingorna tunumiut tusaaneqarnissaminnut periarfissagissaarnerulerput, taamaattumillu tunup immikkut kommuniliiuunnissaata oqalligisineqarnera pisariaarutissaaq.
Kommunalbestyrelsitaami tunumeersut tallimat ilaasortanngussapput, qinigaasinnaatitaanersut apeqqutaalluni. Kommuniusimasunit kommunalbestyrelsimi ilaasortaatitaqarnissamik malittarissaq aallaavigalugu marlunnik isertitaqartoqarnissaa ilimanareerpoq. Taakkulu tassaapput Charlotte Pike Ittoqqortoormiineersoq Vittus Maaru Mikaelsenilu Tasiilameersoq, qinigaasullu sinneri pingasut nalinginnaasumik qinigaalutik.
Tassalu Justus Hansen Demokraatineersoq, Ittumanngiuk Bianco, IA-meersoq kiisalu Thomas Kristensen Atassummeersoq. Ilaasortanit 19-iusunit tallimat tunuminngaaneersuummata ukiuni tullerni sisamani kommunalbestyrelsimi tusaaneqarnissaq qulakkeerneqarpoq.
