Olsvig: Tunngaviusumik inatsisiliorniarneq aallaqqaataaniik
- Isumaqarpunga una suliaq aallartinnerluppoq, IA- siulittaasuata tullia, Aqqaluaq B. Egede, taama oqarpoq.
Suliaq aallaqqaataaneerneqassasoq, IA isumaqarpoq.
Tunngaviusumik inatsisissamik suliaqarnermi tamat akuusariaqartut taanna oqarpoq.
- Tunngaviusmik inatsisissarput inuiaqatigiittut ataatimut pigisariaqarparput. Aamma Inuiaat akuutinneqasapput, oqalliseqataatinneqassapput.
Taassuma siulittaasua, Sara Olsvig, qallunaatut oqallinnermi peqatasoqa oqarpoq, ataatsimiititaliap innutaasut peqataatinisssaat ukkatarisimanngikkaat. Assersuutigalugu
ataatsimiititalaq naak kalaallisut oqalussinaanngitsunik innuttaasoqaraluartoq, taamaallaat kalaallisut tuluttullu suliniarluni aalajangersimavoq.
- Ataatsimiititaliap tunngavisumik inatsisissap nunatsinni tamanut atuuttuusussaanera ukkatarisimanngilaa. Tassalu tunngaviusumik inatsit taamaattussaavoq, aamma nunami ikinnerussuteqartortatta ilaanerat ilaasuusaavoq, IA-p siulitaasua oqarpoq.
AAMMA ATUARUK Isumalioqatigiissitap sulinini ingerlateqqinnianngilaa
Tunngaviusumik inatsisissamut ataatsimiititaliaq aallartilluarnerusinaagaluarneranik oqarneq
Siumup siulittaasuata Kim Kielsenip isumaqatigaa:
- Inatsisissaq taama pingaaruteqartigimmat aallartinnerliorneq uggornarpoq. Aamma taamaannera politikeriulluni kiinaannguusaarnarpoq, Kim Kielsen qallunaatut oqallinermi oqarpoq.
Ataatsimiititalialli unissanngilaq. KNR-imeersoq Eqaluk Høegh ima aperivoq:
- Allanngortinniarnera ilissi peqataaffigissavisiuk?
- Naamik.
Isumaginninnikkut pissutsit iluarsitinnagit aningaasat tunngavisumik inatsisissamut ataatsimiititaliamut atornissaat piffisaanngitsoq, Demokratit suli aalajangiusimavaa.
- Aningaasat pineqartut nunatsinni toqqammaviup nukittorserneranut atortariaqaraluarpagut, soorlu meeqqanut tunngasuni qanoq pisariaqartitsisoqarnera ipassaq takuarput. Uagut isumaqarpugut toqqammavik nukittorseqqaarlugu namminerslulivinnissaq eqqutilerutsigu, qanilliartorpat, takusinaaalerutsigu, ukiut oqarta tallimat qaangiuppata eqqunniarparput, taava una suliaq taamanikkussamut suliarisinaavarput.
AAMMA ATUARUK Isumalioqatigiissitaq nunatta naalagaaffinngornissaanut sulissutiginnilersoq