Tunisat ikileriartut
Ilanngutassiaq nal. 13:13 kisitsisinik nutaanik nutarterneqarpoq, tassa ilanngutassiami siullermi qaammatini qulini siullermi tunisat 2016-imi ukiup tamaanut sanilliukkatsigit. Taamaammat appariarujussuartutut allaqqalerluni.
Aalisakkat qaleruallillu ukioq manna oktobari ilanngullugu tunisat pillugit kisitsisit, Kalaallit Nunaanni Naatsorsueqqissaartarfiup saqqummiuteqqammerpai.
Kinguppaat, qalerallit saarulliillu ukioq manna qaammatini siullerni qulini tunisat siorna piffissap taamaalineranut sanilliullugit ikileriartut kisitsisini takuneqarsinnaavoq.
AAMMA ATUARUK Kujataani tunisat ikileriarujussuartut
Qalerallit tunisat ikileriarnerat annerpaajuvoq, ukiummi kingulliup ingerlanerani 7.000 tonsit missaannik ikilisimammata.
Qalerallit siorna tunineqartut 29.500 tonsit sinnilaarpaat, ukioq mannalu qaammatini siullerni qulini 22.624 tonsiusimallutik.
Kinguppaat tunineqartut aamma ikilisimapput, siornami 36.840 tonsit missaanneeriarlutik ukioq manna 32.900 tonsit missaanniimmata.
Saarulliit ukioq manna qaammatini siullerni tunisat 4.000 tonsinik aamma ikileriarput, siorna tunisat 34.338 tonsiupput.
AAMMA ATUARUK Qaleralinnik tunisat ikileriarujussuartut
