Tuluit Nunaanni EU-mut akerliusut Obama isornartorsiorpaat
USA-p præsidentiata Barack Obamap Tuluit Nunaata EU-mut ilaasortaaginnarnissaa pillugu junip 23-ani taasititsinissamut akuliunnera, Tuluit Nunaanni EU-mut akerliusunit isornartorsiorneqarpoq.
Allattoq Ritzau
apriilip 23-at 2016 15:28
Nutserisoq Ivik Kristiansen
Tuluit Nunaata Europamut aqutseqataaginnarnissaa pitsaanerussasoq, Obamap Londonimut tikeraarnermini oqaatigaa.
Tuluit Nunaallu EU-mut ilaasortaajunnaassappat, USA-mut niuernermut isumaqatigiissummi tunorlinngortinneqassasoq, Obama aamma oqarpoq.
Tamannalu ingammik isornartorsiorneqarpoq.
Obama Tuluit Nunaannut nikassaarpasilluni oqaluttoq, Nigel Farage partiimi EU-mut akerliusumi Ukipimi ilaasortaq oqarpoq.
Obamallu isumai soqutaanngitsut, qanganisalerisoq Liam Fox oqarpoq.
