Tuluit EU-llu isumaqatigiinneratigut Franskit aalisarnerat taperserneqartoq
Franksit aalisartut aningaasaqarnikkut naalagaaffimmit ikiorsiissuteqarnissamik neqeroorfigineqarput.
Tuluit Nunaat EU-llu niueqatigiinnissamut sisamanngornermi isumaqatigiissusiornerata kingorna pivoq, isumaqatigiissummimi tuluit imartaani aalisarneq akerleriissutit ilagaat.
Nutaarsiassaqartitsivik Ritzau taama allaaserisaqarpoq.
- Nutaarsiassaqartitsivik AFP naapertorlugu aalisartut nuiertorusillu, tuluit imartaani aalisartarnertik tunngavigalugu, 30.000 euro pallillugit ikiorsiissuserneqarsinnaasut Frankrigimi aalisarnermut ministeriaqarfiat nalunaaruteqarpoq.
AAMMA ATUARUK Tuluit Nunaat EU-lu niueqatigiinnissamut isumaqatigiissusiortut
EU-p tuluillu nunaata siunissami niuerneq pillugu, Tuluit nunaata imartaani aalisariarsinnaneq pillugu sisamanngormat pilersaarut malillugu naatsorsuutigisamit sivisunerusumik isumaqatigiinniartoqartariaqarmat, isumaqatigiinngissuteqartoqalerpoq.
Isumaqatigiinniartut taakku tamarmik avaleraasartuut aalisakkallu allat pillugit eqqartuinerminni isumaqatigiinniarnertik sivisunaaraat, Bruxellesimi The Guardiansip tusagassiissartuat sisamanngormat allaaserisaqarpoq.
Tuluit Nunaat EU-miit ilaasortaajunnaarnermi kingorna aalisarneq pillugu oqartussaaffik tamakkiisumik oqartussaaffigerusulerpaa. EU-p Danmarkillu Tuluit Nunaata imartaani aalisarsinnaatitaanissartik suli kissaatigaat.
Isumaqatigiinniartut isumaqatigiissuteqarallarniarlutik aalajangerput. Europamiut Tuluit Nunaata imartaani aalisarsinnaasaat, ukiut tallimat qaangiutereerpata 25 procentimik annikillisimanissaat ilaatigut isumaqatigiissutaagallarluni.
EU-p Tulut Nunaata imartaani qanoq annertutigisumik aalisarsinnaatitaasarnissaa ukiut tamaasa isumaqatigiissutigineqartassaaq.
/ritzau/