Tukumami ilitsersuisoq Palle Kjærulff-Schmidt toquvoq

Filmiliornermi ilitsersuisoq Palle Kjærulff-Schmidt, filmiliornermi Danmarkimi nersornaammik Bodil-prisimik siornatigut tunineqarsimasoq, 86-inik ukioqarluni toquvoq.
Allattoq Mads Lynge
marsip 14-at 2018 16:21

Angutaa tassaavoq isiginnaartitsisartoq Helge Kjærulff-Schmidt, Matadorimi Andersenitut ilisimaneqartoq, Danmarkimilu filmiliornermigut aamma nersornaaserneqartarsimasoq.

Palle Kjærulff-Schmidt Nunatsinni aamma filmiliorsimavoq, filmimi "Tukuma"-mi 1984-imi ilitsersuisutut ilisimaneqarluni. Qallunaap inuusuttup Eriup qatanngutimi eqqumiitsumik toqunera misissorniarlugu Nunatsinnukarnera "Tukuma"-mi oqaluttuarineqarpoq. Kinaassutsimik ujartuineq "Tukuma"-mi aamma sammineqarpoq.

Thomas Eje, isiginnaartitsisartoq Naja Rosing Olsen Rasmus Lyberthilu "Tukuma"-mi ilaatigut peqataapput, Rasmus Lyberthillu filmiliamut nipilersukkat aamma suliarai, filmiliarlu Uummannami immiunneqarluni.

Palle Kjærullf-Schmidt Savalimmiuni aamma suliaqarpoq, filmiliami "Historien om Barbara"-mi ilitsersuisuulluni.

Palle Kjærulff-Schmidt eqqissilluni toqusoq, ilaqutaasa nalunaarutigaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq