Tuaviuussamik aalajangiisoqarnissaanut IA mianersoqqusivoq
Maniitsup eqqaani alumiiniumik aatsitsiviliornissamik aalajangiinissap siuartinneqarnissaa, Inuit Ataqatigiit mianersoqqussutigaat, naak tamanna kattuffiit kommunimilu oqartussat aalajangiinissaq Naalakkersuisunut tuavisaarutigigaluaraat, pissutsit sukkanerusumik ingerlanneqalerniassammata.
Allattoq Elisa Isaksen
maajip 24-at 2011 05:54
Inatsisartuni folketingimilu ilaasortaq Juliane Henningsen, SIK-p Sulisitsisut Peqatigiiffiata aamma Qeqqata Kommuniata qanittukkut kajumissaarutaannut atatillugu taama allappoq.
- Aalajangiinissamut tunngaviusinnaasumik aamma oqallinnermi aallaaviusinnaasumik Inatsisartut suli takusaqanngillat. Suliffissualiarineqarumasoq tassaassaaq nunatta oqaluttuarisaanerani suliffissuit annersaat, inooqatigiinnikkut, aningaasaqarnikkut, kulturikkut politikkikkullu Maniitsumuinnaanngitsoq nunattali sinneranut sunniuteqangaartussat matumani eqqartorneqarmata, alumiiniumik aatsitsivissaq pillugu iluaqutissat mianersorfissallu aalajangeeqataasussat ilisimasaqarluarfigissagaat pingaaruteqarpoq, Juliane Henningsen allappoq.
