Lizz Truss Tuluit Nunaanni ministeriuninngortoq

Boris Johnsonip ministeriunertut tunuarniuteqarnini, Trussip takkutinnginnerani, dronning Elizabethimut illussaarsuarmi Balmoralimi pisortatigoortumik nalunaarutigaa.
47-nik ukiulik Liz Truss Tuluit Nunaanni nunanut allanut tunngasunut marlunngornerup tungaanut ministeriusoq, nammineq naalakkersuisoqatigiiliornissamut kissaateqareersorlu dronningilu kingorna assiliseqatigiipput. Dronning Elizabethip ukiuni 70-ini dronningiunermini ministeriunerit 15-issaat taamaasilluni akuersissutigaa. Assi © : Pool/Reuters/Ritzau Scanpix
Allattoq Ritzau
septembarip 06-at 2022 14:44

Liz Trussip tuluit dronningiat Elizabeth ileqquusumik naapereeraalu, Tuluit Nunaanni maanna ministeriuninngorpoq. Dronning Elizabethip Skotlandimi illussaarsuani Balmoralimi naapipput, Trussilu naalakkersuisoqatigiinnik pilersitsinissamut kissaateqareermat ministeriunertut pisortatigoortumik ivertinneqarluni.

Boris Johnsonip ministeriunertut tunuarniuteqarnera dronning Elizabethip tamanna sioqqullugu akuersissutigaa.

Ministeriunertut tunuartussaq ministeriuninnngortussarlu ileqquusumik dronningip Londonimi illussaarsuani Buckingham Palacemi naapittaraluarput, ministeriunertut tunuartussaq ministeriuninngortussarlu dronningi tassani naapittarlugu.

Dronningilli ukioqqortuunngortup Skotlandimi illussaarsuarmi Balmoralimi aasarsiornini kipitiinnarusunngilaa, ministeriunertummi tunuartoq ivertinnneqartussarlu sivikitsuinnarmik naapinneqartarmata.

AAMMA ATUARUK Boris Johnson: Trussip ajornartoornitsinnik aniguitissaqqaarpaatigut

47-nik ukiulik Liz Truss Tuluit Nunaanni nunanut allanut tunngasunut marlunngornerup tungaanut ministeriusoq, nammineq naalakkersuisoqatigiiliornissamut kissaateqareersorlu dronningilu kingorna assiliseqatigiipput. Dronning Elizabethip ukiuni 70-ini dronningiunermini ministeriunerit 15-issaat taamaasilluni akuersissutigaa.

Truss naalakkersuisoqatigilikkanilu suliassarpassuaqarput, Tuluit Nunaannimi ukiuni qulikkaani amerlasuuni aatsaat taama aningaasarsiornerlutsigipput, aningaasat naleerukkiartuinnarsimallutik nukissiuutillu aamma akitsoraluttuinnarsimallutik.

Ministeriuninngortoq liberaliusorujussuuvoq, akileraarutillu appartinneqarnissaat nalunaarutigereerlugu, aningaasarsiornerup qaffassarneqarnissaa pillugu taamaaliorniarluni.

Suli pitsaanerulernissatsinnut ikiortigut! Nutaarsiassamut malugisaqaruit uunga allaffigitigut.

Aamma atuaruk