Trumpip tikeraarniarunnaarnera Kielsenip tusaatissatut tiguaa
Præsidentip Donald Trumpip Købenahvnimukarniarunnaarnera nunani tamalaani nutaarsiassaqartitsivippassuarni sammineqarpoq.
- Suliat massakkut ingerlasut naliginnaasut soorunami ingerlaannassapput. Uani amerikamut tunngatillugu aamma amerikap sinniisoqarfiani Danmarkimiittumut, nunatsinnilu sinniisoqarfiliorniarnerat allanngunngillat. Pisortatigoortumiguna tikeraarneq unitsinneqartoq, Kim Kielsen oqarpoq.
AAMMA ATUARUK Trumpip taamaatitsiinnarnera uggornarlunilu tupaallannarpoq
Nunatta USA-llu akornanni suleqatigiinnermut taamaatitsineq sunniinavianngitsoq Naalakkersuisut siulittaasuat erseqqissaavoq.
- Issittoq qangaaniilli ukkatarineqarpoq, silap pissusaata allanngoriartornera ilutigalugu issittumut ukkatarinninneq annertusigaluttuinnarpoq. Taavalu massakkut taanna ukkatarinninneq nunatsinnut saqivoq, issittumiikkaluarluta kisianni uagutsinnuunerusoq atanerulerpoq. Taanna atorluarnissaa soorunami qularutigineqassanngilaq, periarfissanik assigiinngitsunik suleqateqarnissatsinnut ammaassisinnaammat, niuernikkut taavalu allatigut, Kim Kielsen oqarpoq.
AAMMA ATUARUK Ilisimatooq: Trumpip naapinnera peqqusiileqinassagaluarpoq