Trumpip nunamut iseqqusiunnaarsitsinera eqqartuussiviit qullersaannit akuerineqartoq
Trumpip nunani arfinilinni innuttaasunik USA-mut iseqqusiunnaarsitsinera Amerikami eqqartuussiviit qullersaata akueraa.
Allattoq Ritzau
decembarip 05-at 2017 07:45
Nutserisoq Simon Uldum -
Nunamut iseqqusiunnaarnerup Donald Trumpimit ukiup aallartinnerani eqquteriaraluarneqartup utaqqiisaasumik eqqunneqarnissaa USA-mi eqqartuussiviit qullersaannit ataasinngormat akuersissutigineqarpoq.
Inerteqquteqartitsinissaq eqqartuussivinni alliunerusuni suli aalajangiiffigineqanngitsoq taama pisoqarpoq.
Nunamut iseqqusiunnaarnerup Donald Trumpimit ukiup aallartinnerani eqquteriaraluarneqartup utaqqiisaasumik eqqunneqarnissaa USA-mi eqqartuussiviit qullersaannit ataasinngormat akuersissutigineqarpoq.
Inerteqquteqartitsinissaq eqqartuussivinni alliunerusuni suli aalajangiiffigineqanngitsoq taama pisoqarpoq.
Inerteqquteqarneq innuttaasunut nunanit arfineq pingasuneersunut - Chadimiunut, Iranimiunut, Libyaminut, Somaliamiunut, Syriamiunut Yemeniunut, Korea Avannarlermiunut Venezuelamiunullu atuuppoq.
Nunamut iseqqusiunnaarneq januaarimi atulersinneqarmat eqqartuussivinnit alliunerusunit arlalinnit atorunnaarsinneqarpoq kingornalu allanngortinneqarluni. Septembarillu qaammataani pingajussaanik nutarteqqinneqarpoq.
Nunanit muslimit amerlanerussuteqarfigisaanneersunik nunamut iseqqusiunnaarneq eqqartuussisut arlallit aalajangiineri naapertorlugit nunap inatsisitigut aaqqissuussaaneranut naapertuunnanilu assigiinngisitsineruvoq.
Suliaq Californiami illoqarfimmi San Franciscomi naalagaaffiillu ilaanni Virginiami illoqarfimmi Richmondimi eqqartuussivinni suli ingerlanneqarpoq.
Eqqartuussiviilli qullersaata aalajangiinerani eqqartuussisut oqaatigaat nunamut iseqqusiunnaarnerup Amerikami eqqartuussiveqarfimmi suliarineqarnerani najoqqutassat atuutilersinneqarsinnaasut.
Iseqqusiunnaarneq eqqartuussisunit taasissutigineqarmat arfinilinnit akuerineqarpoq marlunnillu itigartitsissutigineqarluni.
Eqqartuussiviit qullersaata inerteqquteqarneq taamani atuuttoq juunimi akuersissutigaa, inunnulli USA-mut immikkut attaveqartunut, soorlu ilaqutaqartunut, ilinniagaqartunut suliffeqartunullu atuutinnginnissaa piumasaqaatigalugu.
/ritzau/
