Trumpip killeqarfimmi qarmarsualioqqusinini aalajangiusimaannarpaa
Amerikap Mexicollu akornanni killeqarfiup ajornartorsiutaanera pillugu præsidenti oqalugiarpoq, qarmarsualiortoqarnissaalu attallugu oqaatigaa.
Qarmasualiornissamut Demokraatit akuersiummannginnerat pissutigalugu Amerikami naalagaaffiup sullissinerata ilaata matunera suli attanneqarpoq - amerikamiorpassuillu sulisut ilaat suli akissarsinatik.
Demokraatit qarmarsualiornissamut aningaasaliiumagillat, præsidentillu aningaasanik illuartitsisoqanngippat aningaasanut inatsissaq atsiorumanngilaa.
Mexicomi killeqarfik pillugu oqalugiarnermi qimaasut pinerluuteqarsimasut, Trumpip mianersoqqussutigai:
- Uagut nunagisatsinnut unioqqutitsillutik isersimasut amerikamiorpassuarnut peqqarniitsumik toqutsisarput, massakkullu iliuuseqartoqanngippat innuttaqativut suli amerlanerusut toqutaasinnaapput, Trump oqarpoq.
Trumpip aamma piumasaraa qarmarsualiornissamut atatillugu Kongressi ullumikkut isumaqatigiissusiussasoq.