VIDEO Trumpip ajugaasinnaanini suli upperaa
Donald Trump naalagaaffimmi Floridami illoqarfimmi Naplesimi qinersisartunik ataatsimiititsinermi imminut ajukkutinngeqaaq.
- Qiimaneq manna nuna tamakkerlugu malugisassaavoq. Nallernissaqanngilaq, republikanerit præsidentimut sassartitaat Donald Trump taama oqarpoq.
Aviisip Investor's Business Dailyip qinersisartunik isumasiuinera naapertorlugu procentpointinik marlunnik siuaqqavoq.
- Nuna tamakkerlugu pointinik marlunnik siuaqqavugut.
Isumasiuinerilli allat amerlanersaanni Trump kinguaqqalaarpoq. Trumpilli tamanna ernumanartoqartinngilaa:
- Floridami qinersisartunik isumasiuinerit ajunngilluinnarput. Tusagassiuuutit upperissanngiIasi. Isumasiunerit tusagassiuutit saqqummiussaat kusanaraluarput, oqaatigisaanniilli suli kusanarnerupput. Qinersiartortariaqarpusi, taamaalilluta peqquserluttoq Hillary peersinniassavarput, Donald Trump oqaluttarfimmit taama oqarpoq.
AP/RITZAU