Trumpimut illersuisut Kongressimut isaasut: Illorsuaq isumannaarneqartoq
Washington D.C-mi kongressip illorsua Donald Trumpimut illersuisunit hunnorujulikkaanit nunatta nalunaaqutaa naapertorlugu pingasunngornermi ualikkut isaaffigineqarpoq.
Demokraatinit Joe Bidenip præsidentimut qinersinermi ajugaanera Kongressimi ilaasortat pisortatigoortumik uppernarsarniarlugu illorsuarmiipput.
Tamannali pilersaarut malillugu ingerlanneqanngilaq, akerliussutsimimmi takutitsisut illorsuup silataaniittut isaalerput. Trumpimut illersuisut iserneruleraluttuinnarnerani Senati Repræsentaternes husilu matuneqarput.
AAMMA ATUARUK Joe Biden Kongressimi eqqissiviilliortoqarneranut uneqqusisoq
Akerliussutsimik takutitsisut piffissap ilaani senatip initaanut iserput, tamannalu ilaasortat qimagussortinneqarnerannik taasinerullu taamaatikkallarneranik kinguneqarpoq.
Politiit pissutsinik nakkutiginnissinnaalerniarlutik gassi qulliornartoq atorpaat.
Assi: Win Mcnamee/AFP/Ritzau Scanpix
Maannali akerliussutsimik takutitsisut isaanerannit akunnerit arlallit qaangiuttut – illorsuaq isumannaarneqartoq sillimaniarnermut pisortap oqaatigigaa, nutaarsiassaqartitsivik Reuters allappoq.
Kongressip qinersinermi inernerit uppernarsarnerat pingasunngornermi unnukkut nanginniaraa, Repræsenternes Husip siulittaasuata, demokraatineersup Nancy Pelosip oqaatigaa.
Trumpip ungusisimaneq illersoraa
Præsident Donald Trumpip tapersersuisumi pignasunngornermi ualikkut kongressip illorsuanut isaasut iliuusaat illerpai.
- Ajugaarujussuartoqarnera nunaminnik asannittunit ajortumillu naapertuilluanngitsumillu piffissami sivisuumi iliuuseqarfigineqarsimasunit mitallernikkut tiguinnarneqaraangat pissutsit pisullu tamakku pisarput, Donald Trump Twitterikkut allapoq.
- Asannittumik eqqissisimasumillu angerlaritsi. Ulloq manna eqqaamajuaannarsiuk.
AAMMA ATUARUK Akerliussutsimik takutitsisut USA-mi kongressi saassukkaat
Præsidentip saqqummersitaata siammarterneqarnissaa, nuannarineqartutut naqinneqarnissaa oqaaseqarfigineqarnissaalu Twitterimit periarfissaajunnaarsinneqarpoq.
Inuit qassiiusut, matumani politiit qassiiusut eqqissiviilliortoqarnerani ikilerneqarput. Arnaq ataaseq Kongessip eqqaani aallaaneqarnermi kingorna toquvoq.
Akerliusunit assit uani takusinnaavatit:
Joseph Prezioso/AFP/Ritzau Scanpix
Inuit ikinnerpaamik 13-it eqqissiviilliortoqarnerani tigusarineqarsimasut CNN-ip oqaatigaa.
Akerliussutsimik takutitsisut ilaat Nansi Pelosip allaffianut isersimasoq allaffiani issiavoq. Saul Assi: Loeb/AFP/Ritzau Scanpix
Inuppassuit Kongressip saani siusinnerusukkut katersuussimapput, anisinnaanermulli inerteqquteqalernerup nalunaaqutaq 18.00-imit atuutilerneranit inuit amerlassusaat ikilipput. Assi: Samuel Corum/AFP/Ritzau Scanpix