Trump præsidentimut sassarniarnermini inissisimalluarpallaanngitsoq

Republikanerinik qinersiniarunartut Donald Trump tapersersornagu Floridap guvernørianik Ron DeSantisimik tapersersuinerusut, inunnik isumasuinerup takutippaa.
Republikanerit akornanni 38 procentit Trump tapersersorpaat, affaallu sinnerlugit - tassa 52 procentiisa DeSantis tapersersorpaat. Inunnik isumasiuisoqarmat qinersisartut 1500-t misssaat peqataapput. Assi © : David Dee Delgado/Reuters/Ritzau Scanpix
Allattoq Ritzau
decembarip 15-at 2022 13:46
Nutserisoq Mads Lynge

USA-mi præsidentiusimasoq, Donald Trump, republikanerit sinnerlugit præsidentimut 2024-mi sassarniarnermini inissisimalluarpallaanngilaq.

Aviisip The Wall Street Journalip inunnik isumasiuinerata tamanna takutippaa.

Republikanerinik qinersiniarunartut Floridap guvernørianik Ron DeSantisimik tapersersuinerusut, inunnik isumasuinerup takutippaa.

Republikanerit akornanni 38 procentit Trump tapersersorpaat, affaallu sinnerlugit - tassa 52 procentiisa DeSantis tapersersorpaat.

AAMMA ATUARUK Trumpip præsidentimut sassartinneqarnissaa suli nalorninartoq

Inunnik isumasiuisoqarmat qinersisartut 1500-t misssaat peqataapput.

DeSantis ataatsimut isigalugu republikanerit akornanni 86 procentinit akuersaarneqartoq, Trump republikanerit akornanni 71 procentinit ataatsimut isigalugu akuersaarneqarpoq.

Donald Trumpip præsidentimut 2024-mi qinersisoqarnissaanut atatillugu republikanerinit sassartitaanissani sulissutiginiarlugu, qaammatip ataatsip matuma siornatigut nalunaarutigaa.

Præsidentiusimasulli qineqqusaarnera maannamut iluatsippallaarsimanngilaq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk