Trump saammaateqatigiinnissamut kaammattuisoq
Ukiup siuliani pisut naalisarlugit Trump oqaligiarnini aallartippaa, ilaatigut Floridami Texasimilu ulussaarsuarsimanera Californiamilu orpippassuit ikuallannerat.
- Qarsutsinerit ikuallannerit anorersuarujussuillu anigorpagut.
- Taakkua aqqusaareerlugit, Amerikap tarningata pinnissutsini takutippaa aamma Amerikap qajannaannini, Trump minutsini 80-ini oqalugiarnini taama aallartippaa.
Partiit ataatsimoornissaannik kaammattuuteqarnissaa nunallu siunissami ilaqutariittut ataatsitut innissaanik oqaaseqarnissaa naatsorsuutigineqareersimavoq.
- Assigiinngissutsitta isiginiarneqannginnissaanik unnuk manna tamassi qinnuiginiarpassi, ataatsimoorfiusinnaasut ujartornissaat ataatsimoornermillu pilersitsoqarluni, inuiannut neriorsuutigisimasatta tunniunneqarnissaannut pingaaruteqarmata, præsidenti oqalugiarami ilaatigut taama oqarpoq.
AAMMA ATUARUK Trumpip nersornaasiinera tusagassiuutinut akornutaanavianngilaq
Præsidentip illorsuani ajugaasarnini Donald Trumpip oqalugiarami eqqaassagai ilimagineqareersimavoq.
Akileraartarnermut aaqqissuusseqqinneq juulli sioqqullugu aalajangiiffigineqarluni akuersissutigineqartoq arlaleriarluni nersualaarpaa, Amerikap oqaluttuarisaanerani aaqqissuusseqqinnerit annersaattut taagorlugu.
AAMMA ATUARUK Trumpip nunamut iseqqusiunnaarsitsinera eqqartuussiviit qullersaannit akuerineqartoq
Amerikami inuiannut oqalugiarneq State of Unionimik taaguuteqartinneqartoq pivoq, amerikamiut Donald Trumpip præsidentiuneranik tapersuinerat aatsaat taama appasitsigisoq, inuit isumasiorneqarneranni qanittumi sulineqartumi tamanna erserpoq.
/ritzau/