USA pillugu ilisimasalik: Trumpip nersornaasiinera tusagassiuutinut akornutaanavianngilaq

Trump naapertorlugu nersornaat tusagassiuummut ileqqorlunnerpaamut unneqqaserlunnerpaamullu tunniunneqartussaavoq.

Amerikamili tusagassiuutit nersornaat ernumassutigisariaqanngilaat, amerikamiut politikkimik ingerlatsinerat pillugu Syddansk Universitetimi lektori Niels Bjerre-Poulsen taama isumaqarpoq.

- Isumaqarpuga tusagassiuutinut nersornaasigassatut innersuunneqartunut ajoqutaanavianngitsoq. Paarlattuanilli takusinnaavarput tusagassiorfiit Trumpip akiorniagai ingerlalluarnerulersimasut.

- Amerikami tusagassiuutit præsidentimit akeqqatut isigineqartut ingerlalluartupilussuupput, lektori oqarpoq.

Trumpip præsidentimut qineqqusaarnermini amerikamiut tusagassiuutaannut arlalinnut isornartorsiuinini nersornaammik pilersitsinermigut nangeqqiinnarpaa.

Nils Bjerre-Poulsen naapertorlugu Trump politikkimini akeqqatut isigisassanik qinersisartuminut tusaaqqusaarutigisassaminik pisariaqartitsivoq.

/ritzau/