Trump nunasiniat oqaluuseriartorlugit Mexicolialersaartoq
Aningaasaatilissuup 70-inik ukiullip taassuma nittartakkatigut attaveqaqatigiittarfikkut Twitterikkut tamanna ippassaq uppernarsarpaa.
- Mexicop præsidentiata Enrique Pena Nietop qaaqqusineranut qujavunga, aqagulu naapinnissaanut qilanaarlunga, Donald Trump oqarpoq.
Donald Trumpip USA-mi nunasisut pillugit USA-p ilaani Arizonami oqalugiarnissaanut akunnialunnguit sioqqullugit Mexicop præsidentianik ataatsimeeqateqassaaq.
Donald Trumpip, USA-mi præsidentimut qinersisoqarnissaanut atatillugu qineqqusaarnermini Mexico qasseerpassuariarluni taasarsimavaa. Præsidentitut qinigaassagaluaruni USA-p Mexicollu akornanni qarmarsualiortitsiniarnini Trumpip qineqqusaarutigisarsimavaa, unioqqutitsillutik nunasisut ikiaroornartumillu anngiortumik eqqussuisut taamaaliornikkut akiorniarlugit.
/ritzau/
