Trump Mette Frederiksenilu oqaloqatigeereerput
Danmarkip USA-llu akornanni pissutsit ajunngillat, USA-p præsidentiata Donald Trumpip Danmarkimut tikeraarnissani sapaatip akunnerani uani taamaatikkaluaraa.
Kalaallit Nunaannut tikeraareerluni pisortatigoortumik tikeraarnissap tamaatiinnarneqarnerata kingorna pingasunngornermi tusagassiortunik katersuutsitsinermi tamanna ministeriunerup Mette Frederiksenip (S) arlaleriarluni erseqqissarpaa.
Danmarkip USAllu qanittumik ataqatigiinnerat sisamanngornermi naqissuseqarneqarpoq Donadl Trump danskillu ministeriunerat oqarsuaatikkut oqaloqatigiimmata.
Ministeriuneqarfimmit nalunaarutigineqarpoq, ajunngitsumik oqaloqatigiittoqartoq, tassanilu ministeriuneq præsidentilu ilaatigut suleqatigiinnerup ineriartorteqqinneqarnissaanut pisariaqartitsineq pillugit oqaloqatigiipput, aammalu ataatsimoorluni isumannaallisaanikkut politikkimi unammilligassat aaqqiivigineqarnissaat oqaluuserineqarlutik.
AAMMA ATUARUK Mette Frederiksenip oqaaseqaataa "ajuippoq"
Ministeriuneqarfimmit nalunaarutigineqarpoq, ajunngitsumik oqaloqatigiittoqartoq, ministeriuneq præsidentilu ilaatigut suleqatigiinnerup ineriartorteqqinneqarnissaanut pisariaqartitsineq pillugit oqaloqatigiipput, aammalu ataatsimoorluni isumannaallisaanikkut politikkimi unammilligassat aaqqiivigineqarnissaat oqaluuserineqarlutik.
Ministeriunerup USA-milu præsidentip oqaloqatigiinnerannit allanik annerusumik tusarfiunngilaq, oqaloqatigiinnerlu taanna danskit nunanut allanut tunngasunut ministeriata Jeppe Kofodip aamma USAp nunanut allanut tunngasunut ministeriata Mike Pompeop pingsunngornermi oqarasuaatikkut oqaloqatigiinnerisa kingornatigut pivoq.
Taakkua oqaloqatigiikkamik suleqatigiinnerup ingerlaannaarnissaanik piumassuseqarneq oqaluuseraat.
Trumpip tikeraarnissamik tamaatiinnartitsinera danskit Washingtonimi aallartitaqarfiannut pingasunngorninngussalluni unnuaani takkuppoq. Taamaallilluni taamaatiinnartitsineq pisussaq sioqqullugu “nalinginnaanngitsumik” sivikitsumik periarfissiilluni nalunaarnerusoq Mette Frederiksenip paasissutissiissutigaa. Trumpip Polernimeererrnerata kingornatigut tikeraarnissaq septembarip aappaani pingajuanilu pisussagaluarpoq.
Kalaallit Nunaata USAmit pisiarineqarsinnaanera Mette Frederiksenip oqaloqatigiissutigiumanngimmagu Donald Trumpip tikeraarnissap taamaatiinnarneranut peqqutiginerarpaa. Siunnersuullu taanna politikerinit kalaallinit danskinillu itigartitsissutigineqarluinnarpoq.
