Trumpip Pelosi asissoraa

USA-p præsidentiusimasaata, Donald Trumpip, Amerikami inatsisartuni Repræsentanternes Husimi siulittaasumut Nancy Pelosimut politikkikkut saassussinini aallarteqippaa.

Tusagassiorfiup The Hillip allaaserisaa naapertorlugu Trumpip Pelosi Floridami qinersisartunik sapaammi ataatsimiisitsisoqarnerani saassutarivaa, Nancy Pelosip uiata Paul Pelosip kaattamik saassuneqarneranit sapaatit akunnerat ataaseq affarlu qaangiummat.

AAMMA ATUARUK Pelosip Trumpimut eqqartuussivilersuutsiniarneq piareersaraa

Nancy Pelosip politikkkut ajorluinnartumik iluatsikkiartornera republikanerinit unitsinneqassasoq, qinersisartunik ataatsimiisitsisoqarnerani Trump oqarpoq.

Pelosi piaartumik parnaarunneqassasoq, tusanaartut Trump taama oqarmat tapersersorlugu nilliapput.

Paul Pelosip saasssunneqarnera tataannaqisutut, Donald Trumpip siusinnerusukkut oqaatigaa.

AAMMA ATUARUK Trumpip USA-mi inatsisartut ataatsimiittarfiannik saassussisoqarneranik tusarniaanerit naapertuilluannginnerunerarai

Præsidentimut 2020-mi præsidentimut qinersisoqarmat peqquserluttoqarsimasoq, Trump qinersisartunik ataatsimiisitsinermi uteqqattaarpaa.

2024-mi præsidentinngorniussamut qinigassanngortissagunarluni, Trump oqamisaarpoq.

Tusagassiorfiup The Hill allaaserisaa naapertorlugu Trumpip demokratini suleqatigiit ataasimoorlutik isornartorsiorlugit saassutarai.