Trump Erdoganilu Washingtonimi naapittussanngortut

Amerikap præsidentia Tyrkiallu præsidentia novemberip qiteqqunnerani naapikkunik Syria, peqqarniisaarniarneq kurderillu oqaluuserissavaat.
Tyrkiap præsidentiata, Recep Tayyip Erdoganip, naapinnissartik ilumut piviusunngussanersoq qularinerarpaa, Washington DC-imili tamanna piumaartoq Donald Trump Twitterikkut nalunaarutigaa. Assi © : Murat Cetinmuhurdar/Reuters/Ritzau Scanpix
Allattoq Ritzau
novembarip 07-at 2019 09:43
Nutserisoq Hanne Petersen

USA-p præsidentia, Donald Trump, Tyrkiallu præsidentia, Recep Tayyip Erdogan, Washingtonimi novembarip ulluisa 13-ianni naapikkumallutik isumaqatigiipput.

Marluullutik ippassaq pingasunngormat oqarasuaatikkut oqaloqatigiinnerminni taama aalajangerput.

Naapinnissaat sivisujaartumik pilersaarutaavoq, Erdoganilli naapinnissartik ilumut piviusunngussanersoq sapaatit-akunnerani matumani qularinerarpaa.

AAMMA ATUARUK Ajorluinnartumik sianiilliussanngilatit

Amerikami inatsisartuni ilaasortarpaaluit Tyrkiamut sakkortuunik iliuuseqartoqaqqinnissaanik piumasaqarsimanerat ilaatigut pissutaavoq.

Donald Trumpip Tyrkiap præsidentia Washingtonimut tikilluaqqujumaarlugu Twitterikkut nalunaarutigaa.

Donald Trumpip ilaatigut allappaa, marluullutik Syriami pisut, peqqarniisaarniarnermut akiuineq kurderinullu saassussinerit pillugit oqaloqatigiissallutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq