Donald Trumpip allattoqarfiata qinersinissaq sioqqullugu akiuussutissaqaleratarsinnaaneraraa
Nakorsaasiorfik Mckesson Corp amerikami naalagaaffinnik isumaqatigiissuteqarpoq, akiuussutissarlu atorneqarsinnaalerpat nakorsaatinik agguaassivissanik pilersitseqqusissalluni.
Akiuussutissap novemberip aallaqqaataa sioqqullugu tamakkiisumik atulernissaanut piumasaqaatinut akornutaasinnaasut isiginiaqqunagit, USA-mi nappaatinik pinaveeersaartitsinermik suliffeqarfiup pisortaata Redfieldip USA-mi naalagaaffiit qinnuigai.
Akiuussutissap oktoberip ingelanerani tunissasiarineqarsinnaanera ilimananngisoq, USA-p naalagaaffiata peqqissutsimut qullersaqarfiani pisortaq Francis Collins oqarpoq.
AAMMA ATUARUK USA nunarsuaq tamakkerlugu coronavirusimut akiuussusiornermi suleqataarusunngitsoq
USA-p coronamut akiuussutissamik nunarsuaq tamakkerlugu suliniummut Covax-imut peqataarusunnginnini marlunngormat nalunaarutigaa, tamannalu naalagaaffiit peqatigiit peqqinnissakkut suleqatigiiffianni WHO-mi isumaliutigineqarpoq.
USA-p WHO Kinamit coronap tuniluunnerani nakkutigineqarneraanera suleqataajunnaarneranut pissutaavoq.
Trumpip allaffeqarfiata nunarsuarmi tamarmi suleqatigiinneq pinnagu USA-p nammineerluni akiuussutissamik ineriartortitsinissani aallunneruaa.
USA-p coronamut akiuussutissanik 300 millioninik aappaagu januaarimi piareersimasuuteqarnissani aviisi The Guardian naapertorlugu naatsorsuutigaa.
