Trudeaup Canadami amerlanerussuteqarnini annaaratarsinnaagaa
Canadamimi ministeriuneq assoralissimaarpoq - Trudeaumi 2001-imi ilinniartitsisuunermi nalaani atuartut atikkersorlutik unnussiuaaqatigiinneranni aladdinnitut atikkersorsimalluni kiinnani kajortumik taartumik tanissimagaa assimi saqqumiunneqareerpoq.
AAMMA ATUARUK Trudeau undskylder for brunmalet ansigt: Det var racistisk
Naak Trudeaup partiia massakkut amerlanerussuteqaraluartoq Inatsisartunut qinersinermut atatillugu naalakkersuisoqatigiit amerlanerussuteqarsinnaanissaat qularineqarpoq
Canadami inatsisartunut ullumi oktobarip ulluisa 21-anni qinersisoqartussaavoq, qineqqusaartoqarneranilu nunap inoqqaavinut neriorsuutigineqartut amerlagisassanngillat
Qinersinissamut atatillugu inuit isumasiorneqarneranit politikikkullu naliliisartut naapertorlugit Canadap ministeriunera, 47-nik ukiulik Justin Trudeau ajornartorsiorpoq.
Naalakkersuisoqatigiit Justin Trudeaullu amerlanerussuteqarnertik annaaratarsinnaavaat.
AAMMA ATUARUK Trudeau kisiartaalluni Canadap issittortaanut tikeraartoq
Ministeriunerup partiia Liberalit Det Konservative Partiillu naligiipput
Reuters aamma Canadamiut aviisiat The Globe and Mail taama allaaserisaqarput.
- Qineqqusaarnerup ingerlanerani liberalit naalakkersuisunngortitseqqissinnaanissaat qularnarsiartuinnavippoq, qinersisartut isumasiorneqarneranut, Abacus Datamut siuttuusoq, David Coletto nittartakkut nutaasiassanut Politicomut oqarpoq.