Canadami qinersineq: Trudeau kisiartaalluni Canadap issittortaanut tikeraartoq
Ministeriuneq Justin Trudeau liberaali partiineersoq, Canadami partiit arfiniliusut qinigassanngortitaasa siuttuini kisiartaalluni Canadap issittortaanut tikeraarpoq.
Trudeau sapaatip akunnerani kingullermi Iqalunni oqalugiarami illoqarfinni nunaqarfinnilu tamani ikummatissaq diesel ukioq 2030 kingorna atorneqartarunnaassasoq neriorsuutigaa.
Illoqarfiit nunaqarfiillu tamarmik nukissiuutinik mingutitsinngitsunik pilersorneqalissapput.
Trudeaup partiiata avatangiisinut politikkia issittumut iluaqutaajumaartoq Justin Trudeau Eqalunnut tikeraarluni oqalugiarami neriorsuutigaa.
Partiit allat siuttui Canadap issittortaani suliaqassanerlutik oqaaseqarnikuunngillat.
Qinersinermi partiit naligiittorujussuunissaat naatsorsuutigineqarpoq, ikinnerussuteqarlunilu naalakkersuisunngortitsinissaq ilimagineqarluni.