Siulittaasunngorlaaq, 33-nik ukiulik, Birita í Dali, Savalimmiuneersoq Københavnip Universitetiani cand.scient.polimik ilinniagaqarpoq.Assi: Transparency International Greenland

Transparencyp siulittaasortaava 33-nik ukiulik Savalimmiuneersoq

Transparency International Greenland siulersuisuini sapaatip-akunnerata siuliani nikittoqarpoq.

Transparency International Greenland nutaamik siulittaasortaarlunilu siulersuisortaarpoq. Tamanna peqatigiiffiup ukiumoortumik sisamanngormat ataatsimeersuarnerani pivoq.

Birita í Dali Anita Hoffer 2014-imili siulittaasuusoq taarserlugu siulittaasunngorpoq. Anita Hoffer siulittaasup tulliulerpoq.

Anita Hoffer peqatigiiffiup nunatsinni immikkoortortaanik 2011-mi pilersitseqataasuuvoq, siulersuisunilu ilaasortaasimalluni.

Siulittaasulli nikerarnissaat qulakkeerniarlugu siulittaasup taarsinerni marlunni kisimi qinerneqaqqissinnaanissaa malittarisassani allassimavoq.

Transparency tusagassiuutinut nalunaarummi taama paasissutissiivoq.

Siulittaasunngorlaaq, 33-nik ukiulik, Birita í Dali, Savalimmiuneersoq Københavnip Universitetiani cand.scient.polimik ilinniagaqarpoq.

Taanna Namminersorlutik Oqartussat Aalisarnermut, Piniarnermut Nunalerinermullu Naalakkersuisoqarfiani immikkut ittumik ullumikkut siunnersortaavoq.

- Suliassamut qilanaarpunga, Birita í Dali nalunaarummi oqarpoq.

- Inuiaqatigiinni taama mikitigusuni tamatta immitsinnut ilisimasariitsilluta pisortallu taama

annertutigitillugit inuillu ikittuinnaat pissaanermik tigummisaqartillugit ammasumik

periuseqarnissaq pingaaruteqarluinnarpoq, tamannalu Transparency International Greenlandip

nangillugu sulissutigerusuppaa, siulittaasunngorlaaq oqarpoq.

 

 

Siulersuisunut ilaasortat nutaat tassaalerput:

• Birita í Dali, Siulittaasoq, Namminersorlutik Oqartussani immikkut siunnersorti

• Anita Hoffer, Siulittaasup tullia, atorfilinnut pisortaq, INI A/S

 • Dora Drechsel, Pisortaq Kalaallit Forsikring A/S

• Klaus Kuch Jensen, Pisortaq, Greenland Oil Spill Response (ilaasortaq nutaaq)

• Sara Olsvig, Phd-nngorniaq

• Karen Heilmann Lennert, siunnersorti, Deloitte (ilaasortaq nutaaq)

• Anja Rindom Bøndergaard, Inatsisartuni Ombudsmandimi inatsisileritooq (ilaasortaq nutaaq)

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat