Toqutseriarsimasutut tigusarineqartoq
Angut 20-t sinnilaarlugit ukiulik angummik ukioqamminik qoorortuumik qunusaarisutut Sisimiuni politiinit tigusarineqarpoq. Angutip toqutsinissamik qunusaarisup qoorortuup eqittaataa eqissimavaa, qoorortoorli akornuteqarsimammat igeriarsimanani.
Allattoq Jaaku Lyberth
Angut qoorortuumik toqutsinissaminik qunusaarisoq, imigassartorsimavoq, toqutseriarsimasutullu pasineqarluni marsip ulluisa aqqarngata tungaanut tigummigallagassanngortinneqarpoq.
Toqutsinissamik qunusaarineq pivoq sapaatip ullaassaani.
Toqutsinissamik qunusaarisimaneq politiinit maannakkut missisorneqartoq, nunatsinni politiit pisortaata tullia Morten Nielsen oqarpoq.