Toqusoqarsimatillugu misissuisartut Kangerlussuarmi toqutsisoqarneranut tunngasut misissuiffigaat

Sisamanngornermi illernartumi festerlutik nangikkiaasimasuni angutit marluk toqutaasimasut nassaarineqarput. Toqungasup aappaa imminut toqussimassangatinneqarpoq.

Danmarkimi Rigspolitiets Kriminaltekniske Centerimeersut, toqusoqarsimatillugu misissuisartut Danmarkimit Kangerlussuarmut tikissimapput, ippassarlu ulloq tamaat politiit nunatsinneersut peqatigalugit toqungasut toqutsiffiusimasorlu misissorsimallugit, Kangerlussuarmi politiineersoq Johan Davidsen KNR-imut taama oqarpoq.

AAMMA ATUARUK Angutit marluk toqutaasimasut Kangerlussuarmi nassaarineqarput

Toqutsiffiusumiissimavortaaq arnaq 34-inik ukiulik ikilersorneqarsimalluni.

Taanna Nuummi Dronning Ingridip napparsimmavissuanukaanneqarpoq, kingornalu Københavnimiittumut Rigshospitalimukaanneqarluni.

Johan Davidsenillu naatsorsuutigaa arnaq pillugu aqagu nutaanik paasissutissiisinnaassalluni.