Tissiartartut Tulukkamit annaanneqartut
Imarlukkaluaqisoq inuttat marluk Tulukkamut qaqinneqarsimapput, tamatuma nalaani sekundtimut 28-nik sakkortussusilimmik anorlerpoq. Nakkutilliissut aatsaat taama imarlutsigisumi annaassiniarpoq.
Inuttat marluk Dronning Ingridip napparsimavissuanut timmisartuunneqarput.
Tissiataartartut walesimeersut misilittagartuujupput. Oqaluttuarsimapput imarluppallaaqimmat Kigdlut iluanut oqquiartorsimallutik. Kigdlup Iluanut pulatsiaannartut tissiartaat kinngusimavoq.
Kangilinnguani Sakkutooqarfimmi Sakkutuut Imarsiortut Naalagaat Henrik Kudsk annaassiniartoqarnerani Nakkutilliissummiissimasoq ima nassuiaavoq:
- Angallat kisariaraluarsimavoq iluatsinngimmalli anorimik kangerliumanermut erfangiussaasimalluni. Tissiataarutip motooria tamakkiisillungu aallartissimagaluarpaat, kisianni tissiataarut makitasinnaasimanngilaq ikkarlikkamilu kinngusimalluni.
Tissiataartartut kalerrisaarineraniit akunnerup affaa qaangiummat Nakkutilliissut Tulugaq Kigdlup Iluanut apuussimavoq annaassiniarnerlu aallartillugu.
Takornartanut Kalaallit Nunaat angalaffigissallungu ulorianarsinnaasoq Henrik Kudskip oqaatigaa.
- Assersuutigalugu nunatsinni imaani angalanermik misilittagalik imarlunnerani kangerluup iluanut pulajunnanngilaq.
Tissiataarutillit qaqinnissaat piginnittut namminneq akisussaaffigigaat politikommisærip Niels Nyvangip Nuummi politineersup oqaatigaa.