Timmisartuussinissanik taamaatitseqqittoqarpoq
Air Greenlandip Kulusuk/Tasiilamut aamma Keflavikimut ullumi marlunngornermi maajip 11-ani timmisartuussinissai taamaateqqinneqarput. Kulusuk zone 2-tut taasani, tassa timmisartut timmisartuliorfimmiit oqartussanillu akuerisat atorlugit timmisartuussivinni, timmisartuussinernut ammavoq, nalunaaquttallu akunneri pingasut qaangiukkaangata timmisartup motorii boroskop-i atorlugu misissorneqartassapput. Air Greenlandip DASH7-utai zone 2-mi timmisartuussinissamut akuerisaapput, qulimiguuliutaali akuerisaanngillat, ilaasussallu tamarmik Tasiilamiimmata Kulusuliaannissaat pisinnaanngilaq.
Narsarsuaq ullumi silarluppoq tassungalu timmisartuussinissat kinguartinneqarput.
Air Greenlandip ilaasut angalanerminni innermik anitsisup qullaassaannit eqqugaasut angalanermik nalaanni sillimmasiiffigisartik attavigeqqullugu kajumissaarpai, Air Greenlandimmi ullumimiit innermik anitsisup qullaassaanik peqquteqarlutik ingerlaqqissinnaajunnaartunut aningaasartuutit akilertarunnaarpai. Tamannali Keflavik-imiit København-imiillu aallartussanut atuutinngilaq, taakku kinguaattoortoqartillugu taamaatitsisoqartillugulu EU-mi peqqussummut 261/04-mut ilaammata.
Air Greenlandip ilaasut innermik anitsisup qullaassaasa malitsigisaanik angalanissaminnik taamaatitsiinnarumasut, bilitsit angalanissanut maajip 12-at ilanngullugu atuuttut, bilitsit sorliuneri apeqqutaatinnagu, akiinik utertitsinissamut periarfissippai. Periarfissaq taanna taamaallaat angalasussanut innermik anitsisup qullaassaasa nassataanik angalanissaminnik akornuserneqartunut atuuppoq, tassa Nuummiit-Keflavik-imut aamma Nuummiit-Kulusummut kiisalu Kulusummiit-Tasiilamut.
Ilaasussat Air Greenlandip nittartagaatigut malinnaaqqullugit kajumissaarneqarput.
