Timmisartuussinernik matusinerit: Eqqugaaguit ima iliorsinnaavutit

Nunatsinnut timmisartuussinerit tamaasa, inuiaqatigiinni pingaarutilimmik inissisimanngippata, januaarip ulluisa aqqaneq aappaata tungaanut matuneqarput.

Naalakkersuisuttusagassiortunik katersuutsitsinermi taama nalunaaruteqaqqammerput.  

Inuit tusindtit missaanniittut Kalallit Nunaannut ukiortaap kingorna ulluni tallimani siullerni tikerartussaagaluarput.

AAMMA ATUARUK Naalakkersuisut nunatsinnukarnissat unitsikkaat

Sullitat januaarip ulluisa 31-ata nallertinnagu nutaamik billetsiliuunneqassapput. Air Greenland ikiortigalugu toqqaannaq billetsisimaguit, e-mailikkut billetsissannik nutaamik nassitsissaatit.

- Angalanissaq Air Greenlandimit pisiaappat, angalanissamut pilersaarummik nutaamik nassitsisoqassaaq. Angalanissamut pilersaarut iluarinanngippat, nittartakkatsini immersugassaq atorlugu, billetsip akiata utertinnissaa qinnutigineqassaaq.

- Air Greenlandip sullitat qinnuigai e-mailiminnik aamma spamfilterertik alaatsinaqqullugit.

Air Greenland tusagassiuutinut nalunaarummi allappoq.

Sullitat tamarmik, angalatitsivikkut bilitsisisimasut, angalatitsivimmut saaffiginneqquneqarput.

Januaarip qaammataani billetsisisoqarsinnaanngitsoq

Air Greenlandip Danmarkimiit Kalaallit Nunaannut billetsinik tuniniaanertik januaarip qaammataani matoqqatissavaat.

- Air Greenlandip bilitsinik allanngortiterinerup ingerlarnga, oqartussallu ilaasoqarsinnaassutsimik killilersuinerat naapertorlugit, bilitsinik tuniniaanini ammariartuaassavaa.

Timmisartuutileqatigiiffiup tusagassiuutinut nalunaarummi allappaat.

Inuit oqartussat upalungaarsititaat kisimik nunatsinnut tikissinnaatitaapput.

Kikkut tikissinnaatitaassanersut oqartussat aalajangertassavaat.

Kalaallit Nunaanniit Danmarkimut pilersaarutit malillugit angalasinnaatitaavutit.