Timmisartuusseqqusaajunnaarneq Boeingimut amigaartoortitsisoq

Amerikamiut timmisartuliortartuat Boeing 1997-imili aningaasanik siullerpaamik siorna 2019-imi annaasaqarpoq.

Boeing, 636 millionit dollarinik annaasaqarpoq, tassa 4,3 milliardit koruunit missaannik. Boeingip ukiumoortumik naatsorsuusiaani tamanna atuarneqarsinnaavoq.

Amerikamiut timmisartuliortartuat siorna 4,3 milliardit koruunit missaannik annaasaqartoq, natsorsuutit takutippaat.

Suliffeqarfiup timmisartuutai marluk 737 Max-it siorna marsimi nakkarmata timmisartuusseqqusaajunnaarput, tamatumalu malitsigisaanik suliffeqarfik aningaasativut annaasaqarpoq. Timmmisartut marluk nakkarmata inuit katillugit 346-t ajunaarput.

AAMMA ATUARUK Oqartussat Boeingip timmisartuani assortuussutaasumi ajoqutaasinnaasumik allamik paasisaqartut

Tamatuma kingorna Boeingip timmisartut marluk Indonisiami Etiopiamilu qaammatini marlunni nikingallutik nakkarnerannut pissutaagunartoq aaqqiissuteqarfiginiarsaraa.

Boeingimit nalunaarutigineqaqqammerpoq, timmisartut 737 Max-it 2020-p qiteqqunnerata missaani timmisartuusseqqissinnaalissasut.

Boeingi ukiut kingulliit 20-t ingerlanerini aatsaat taama amigartooruteqartigaaq.

Boeingimimi pisortatut qullersaasoq, Dennis Muilenburg siorna decembarimi tunuarneranik kinguneqarpoq.