Politiit suliamik misissuisoqarnera pissutigalugu toqusoqarneranut atatillugu allamik oqaaseqarsinnaanngillat.Assi: Simon Uldum

Timmisartorsuarmi Kangerlussuarmukartumi toqusoqartoq

Timmisartumi Air Greenlandip attartugaani pingasunngornermi toqusoqarpoq. Pineqartup qanigisai kalerrinneqareersut politiit oqarput.

Timmisartorsuarmi Københavnimit Kangerlussuarmukariartortumi ippassaq pingasunngornermi toqusoqarpoq. Tamanna politiit KNR-imut uppernarsarpaat, pineqartumullu qanigisaasut kalerrinneqareersimanerarlugit.

Politiit suliamik misissuisoqarnera pissutigalugu toqusoqarneranut atatillugu allamik oqaaseqarsinnaanngillat.

Toqusoqarnera timmisartumi Air Greenlandip attartugaani pivoq.Timmisartoq pineqartoq Jet-Time-mimeersuuvoq, taannalu Københavnimit Kangerlussualiartuulluni. Timmisartoq Kangerlussuarmut mimmat suliaq oqartussanit tiguneqarpoq.

Air Greenlandimi Public Relations Managerip pisuni ilanngutitinneqartut ikiorsiiniarnermik aallartitsisoqartoq oqaatigaa.

- Timmisartumi jet-time-mimi ippassaq pingasunngornermi nalinginnaasumik angallassinitsinni pisoqarnera uppernarsarparput. Pisumi peqataasut isumagaagut, pisariaqartinneqartumillu ikiuinissatsinnik aallartitsilluta, Inga Dóra Guðmundsdóttir Markussen oqarpoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl