Timmisartorluni Uummanniarnissaq ajornaatsuinnaanngilaq
Uummannamut timmisartumik ilaanissamut inniminniiinissaq ajornaatsuinaanngilaq. Timmisartut ilaasunik ulikkaartoortarnerat takornariaqarnermut akornutaasoq, Hotel Uummannami pisortaq Arne Niemann isumaqarpoq.
Allattoq Apollo Jeremiassen
marsip 25-at 2010 05:42
Uummannap tungaanut timmisartumut ilaanissamut inniminniineq marsip aallartinneranilu periarfissaasimanngilaq, timmisartut ilaasunik ulikkaartoortarneq peqqutaalluni.
- Illoqarfiup aningaasarsiornera killilersimaarneqarpoq. Illoqarfimmut kiffartuussisut, innuttaasut takornariallu aallarsinnaanatillu tikissinnaanngillat. Hotel Uummannap pisortaa, Arne Niemann taama oqarpoq.
Poorskikkunni angallattoqarnerata nalaani Uummannamut timmisartuussinerit amerlineqassasut, Air Greenlandimi paasissutississartoq Pia Christensen Bang KNR-imut oqarpoq.
Timmisartoq Dash 8, nutaaq, maajip ulluisa aallaqqaataanniit timmisartuussisalissaaq, piffissanilu angallaffiunerusuni taanna oqilisaataalissasoq, Air Greenlandimillu neriuutigineqarpoq.
