Timmisartoq siullerpaaq Sikuiuitsumi Kujallermi nassaarineqarpoq
Qaqutigoorluinnartumik nassaarneq ukiortaami pivoq, pinngortitallu nukii paasiuminaatsut iluaqutsiullugit tamanna pisoq, Ritzauimi allaaserineqarpoq.
Siullermik ulloq taanna, qaammammi ataatsimi qaammatip marloriarluni imissinerata kinguneranik pisarnermit tininnganeruvoq. Aappassaanik sermeq siornatigut takuneqarsimanngisaannartumik aannerusimavoq. Tamakku pissutigalugit nunarsuatsinni timmisartup siullerpaap sinnikui Sermimit nuisasut, Sikuiuitsumi Kujallermi nassaarineqarput.
- Taama pisoqarnerata kinguneranik nalinginnaanngilluinnartumik nassaarpugut, allaannginnami ivikkat killukkat akornanni meqqummik nassaaginnakasillartugut, Australiamiu ilisimatusartoq David Jensen, ilisimatusaqatinilu Sikuiuitsumi Kujallermi sermimi qilleriartortunut ilaasoq oqarpoq.
- Sanasut ilaat umiarsualiviup eqqaani pisuttuartilluni, piaarinaatsoornikkut saviminermik ujaqqat akornaniittumik nassaarpoq, David Jensen oqaluttuarpoq.
Timmisartup timitaata sinnikuinik amerlasuunik nassaarput, tamakkulu Australiamukaanneqassapput. Tassami Australiamiu Douglas Mawson 1911-mi - siullerpaalluni - Sikuiuitsoq Kujalleq qulaallugu timmeriaraluarami.
