Timi Asimi Tasiilami pisussatut pilersaarutigineqartoq maanna piareersarneqaleruttorpoq
Inuusuttut pillugit pilersaarutit qaammatini pingasunik sivisussuseqassangatinneqarput, inuusuttullu 15-it 20-llu missaanniittut ulluinnarni najortagassaannik ujaasisoqaqqaassalluni.
Inuusuttut Nuummiittut pilersaarut Timi Asimi aqqutigalugu ukiuni kingullerni marlunni sullinneqarsimapput, tassalu aatsaat siullerpaamik Nuup avataani pisussanngorluni. Pilersaarutit Tasiilamut naleqqussarneqassapput, avatangiisinut naleqqussarneqassallutik.
Tasiilaq takornarnianut periarfissatsialannik ulikkaartoq Kim Godtfredsenip oqaatigaa, inuusuttullu periarfissat tamakku inerisaaqataaffigisinnaassavaat.
Timi Asimi Namminersorlutik Oqartussanit 100 procentimik aningaasaliiffigineqarsimavoq, 750.000-it koruuninik aningaasaliiffigineqarsimalluni.
Aningaasat ilitsersuisussanut, inuusuttunut, pilersaarutinut atortussanut nerisassanullu atorneqartussatut naatsorsuussaapput.