Timi Asimi meeqqat angerlarsimaffiannik suleqateqalersoq

Inuusuttut meeqqat angerlarsimaffianni najugaqartut Timi Asimip periusaa nalinginnaasoq qaammatinillu pingasunik sivisussuseqartoq ingerlatissavaat. Inuusuttullu ilinniakkamik aallartitsinissaannut kajumilersinnissaat siunertarineqarpoq.

- Inuusuttut suli inuttut nukittunerullutik meeqqat angerlarsimaffiannit ingerlariaqqinnissaat anguniarneqarpoq, Kim Godtfredsen Timi Asimeersoq aamma Nikolaj Olsen IMP-meersoq tusagassiorfinnut nalunaaruteqarlutik taama allapput.

Aammattaaq oqaatigaat meeqqat angerlarsimaffiata inuusuttunullu suliniutip suleqatigiissinnissaat ajornanngitsuaraasoq, tamarmik assigiimmik anguniagaqarlutik suliniuteqarmata.

Asimiinneq meeqqat nuannersunik misigisaqartinnissaannut imminnullu upperinerulernissaannut Timi Asimit atorneqartarpoq.