Timersornerup silarsuaani 2018-mi pisut ilaat
Nunatsinni timersornerup silarsuaani ukioq manna 2018 pisoqarfiungaatsiarpoq ilaatigut:
Amerikap nunavitaani angutit assammik arsaannerat PAN AM 2018 Nuummi ingerlanneqarmat malinnaasunik unammeqataasunillu eqqaamaneqangaatsiarpoq. ulloq eqqaamaneqarnerpaaq taassaavoq Kalaallit Chilemut unamminerat juunip 24-at:
- Minik Dahl Høegh-p toqqaannarlugu isertimmagu, immaqa oqarsinnaavugut Inusiviup qilaava qangattarpoq, nunatsinni timersornermi malinnaasoq, Finn Nielsen taama oqarpoq.
Unammineq naammasilluinnalersoq kalaallit måålimik ataatsimik kinguaqqasut Minik Dahl Høegh isertitsivoq, tassungalu haalimi isiginnaartut nillianerat puigunaalluinnarsimavoq:
- Misigivunga tassani sekundimi soorlu bateerikka ulikkaarlutik nukissanik nutaanik tunineqarlunga, taavalu aamma misigisaq nassuiarunaalaarpoq pikkunangaarmat, assammik arsarluni unammisartoq, Minik Dahl Høegh taama oqarpoq.
Kalaallit Nunaanni timersoqatigiit kattuffianni siunnersorti Pan AMip ingerlanneqarnerani tv-kkut radiokkullumi oqaaseqartartutut peqataasoq oqarnera naapertorlugu kalaallit ataatsimoorsinnaanertik pan am-ip ingerlanerani takutikkaat, Elite sport greenlandimi GIF-imilu siunnersortaasup Muusaarannguaq Ostermann Søholmip oqaatigaa.
- Malunnartorujussuuvoq una kalaallit ataatsimoorsinnaassusaat, timersorneq una eqqaassagaanni maani pisoq pan am-ip iluani inussivimmi peqataalluni, kiisalu aamma fjernsyniminngaaniit isiginnaarluniisiginnaartut qanoq ataatsimoorsinnaatiginersut kalaallit nunaatut ataasiusutut ataatsimoortitsilernerat takuneqarsinnaallunilu misigineqarluarsinnaavoq.
