Tillinniartillutik paasisaasut
Ilaqutariit Nuummi Gertrud Raskvejimi najugaqartut unnuaq nuanniitsumik itertinneqarput. Illumi najugaqartut illuminnut tillinniartunit itertinneqarsimapput. Politiinut ingerlaannaq kalerrissimavaat, taakkulu tillinniat aappaa tigusarisimavaat.
- Angut 16-inik ukiulik peqatini ilagalugu unnuaq tillinniarsimasut paasineqarpoq, Nuummi politiit nalunaarput.
Tillinniat aappaa iperagaareerpoq, aappaatalu kiunera politiit ilisimaavat.
Unnuaq aamma allamut tillinniartoqarsimavoq, suliffeqarfiit ilaannut tillinniartoqarnerani cigarettit kartonit 40-t tillinneqarsimallutik. Politiit suli paasiniaaneq ingerlappaat, ullullu ingerlanerani cigarettinik akikitsunik tuniniaaniartoqarsinnaanera ilimagalugu. Politiilli erseqqissaatigaat tillitanik pisineq inerteqqummat. Taamaammat innuttaasut cigarettinik akikitsunik tuniniaaffigineqassagaluarunik politiinut attaveqarfigeqqullugit kaammattorpaat.
Nuummi politiit aamma nalunaarutigaat, sapaatip akunnerata naanerani nakuusertoqarsimaneranik nalunaarutiginnittoqarsimanngitsoq, tamannalu pitsaasutut isigalugu.
